Jon «på hjul» starta aust for breen på vestsida av Lustrafjorden der han vitja garden Fuglesteg som vart bygd på 1600-talet. Den ligg meir enn 600 m o.h. Husa er bygd på ein uvanleg måte, stein heilt opp til mønet. Kva kona på garden sa då mannen tok til å lø stein til stovehus, veit ingen i dag. Han må ha høyrt til det tause slaget, han hadde då bore stein i 5 år. Kona kunne heller ikkje vore særs nyskjerrig. Ho skal etter segna ikkje ha spurt.

Han tok oss med til Urnes stavkyrkje frå 1630. Den er ei av dei eldste kyrkjene i landet. Så bar det til fjells inn til vakre Tungestølen som ligg sentralt til i samband med armane til breen. Ferda gjekk vidare nordover langs landevegen nokre stader på gamle vegar på utsida av tunnellar som er komne i staden for rasfarlege og svingete vegar.

Han vitja og den snøbreen som ligg lågast her i landet, 60 m o.h. Så avslutta Jon over Breim, Hornindal, Hjørundfjorden, Festøya og heim.
Vi er svært glade for så mange kjende og ukjende møtte opp for å vere med på turen. Den var interessant og det såg ut til at folk likte seg. (Tekst: Alfhild Midtbust)