Mental Helse

Ved Ørskogvika. — IIdyllisk mellom nausta ved Ørskogvika. Langt ute i fjorden ligg Hareid. (Brit tok dette bildet.)

18. nov 2020 Mental Helse Fjord

Loffing

Kval og sel har luffar, ikkje vi. Vi loffar. Kanskje lurer du på kva vi gjer når vi loffar. Sist måndag skjedde det frå Vallbøen til Systra.

Anna Margrethe Drægebø Moe

Truleg var det nokon som undra seg litt over loffarane som streifa rundt, reika i alle retningar, såg seg litt nyfikne i kring, stogga og studerte, prata om det meste medan dei flytta seg framover i alt anna enn rett linje mot målet. Nedanfor er nokre glimt av reikande loffarar.

Oppover. — Frå Vallbøen bar det oppover eit stykke og inn i skuggeland før vi valde stien til høgre, og følgde postvegen vidare.

På toppen. — Hurra! Vi har nådd toppen på Postvegen og er 100.000 mmoh.

Postkasse — Det staselege postkassestativet var magnetisk med fint dekorerte postkassar. Kjekt å sjå kven som bur her i Kråna med fin utsikt over Ørskogvika.

Mot nausta — Vi loffar vidare mot fjorden. Ingen bilar uroa oss. Berre å breie seg over heile vegen utan å tenkje trafikkreglar.

Vente på. — Resten av gjengen nådde att dei første loffarane. Vi prøvde å samle oss att på vandring mellom fine velstelte naust på rekke og rad med blikk mot vika.

Svaner — Svaneparet undra seg over oss på brua og gira opp fotluffanse sine i målretta kurs mot oss, omdanna det blanke vasspeilet til vakre plogrender.

Målet er nådd. På Systra sette vi til livs store velsmakande sveler saman med kaffi.

Flere saker fra Mental Helse Fjord

8. sep 2023 Fjord

Kva er hjarteflimmer/atrieflimmer

Overlege Ole Johan Høyberg vil fortelje om hjarteflimmer/atrieflimmer og svare på spørsmål i møte tysdag 12. september kl. 18:00 på frivilligsentralen i Stordal.

19. aug 2023 Fjord

Å vere pårørande til ein med demens

På Mental Helse Fjord sitt medlemsmøte som er ope for alle interesserte fortalde pensjonert psykiater og forfattar Arne Ruset om demens. Han begynte med å lese litt frå siste boka si som handlar om å ha demens og korleis det påvirkar dei som er rundt den sjuke.

25. jul 2023 Fjord

Stig opp i turskoa dine - bli med!

I august og september vert dei fleste turane våre på torsdagar frå kl. 10:00 og utover. Nedanfor finn du planer om aktuelle turar.

2. jun 2023 Fjord

Å leve saman med ein demenssjuk

Forfattar og pensjonert psykiater Arne Ruset vil fortelje om kor utfordrande demenssjukdommen kan vere for pårørande. Møtet er tysdag 13. juni kl. 18:00 på frivilligsentralen i Stordal.