Tid for farvel
Gråveret har lagt seg over fjorden medan vi var inne i hytta. Vinden ruskar i trea. Herleg med smaken haust. Berre å kneppe igjen jakka og og ta på heimveg etter "Takk for oss" til Arna .
8. sep 2020 Mental Helse Fjord

Til sæters på Vestre

Når hausten kjem, kjem også lengten etter tur til Vestresætra. År etter år har vi sete på verandaen til Arna si hytte og nytt finversdagar og utsikta. Ein godt innarbeidd tradisjon.

Anna Margrethe Drægebø Moe

Litt annleis vart det denne gongen. Denne haustdagen prøvde yr.no å skremme oss. Men pytt, nye ingrediensar gjev nye opplevelsar. Vi er omstillingsvillige.

På oppoverveg.
Frå Massplassen strekker sætervegen seg gjennom fin skog før lendet vert opnare dei om lag 140 høgdemetrane opp til Vestresætra. Stigninga er jamn og praten glir lett mellom oss. Den går på både innpust og utpust. Vi som hugsar stølslivet med sauer og kyr rundt sæterhusa kjenner på vemod. Borte er klangen frå bjøllene på beitande dyr.
Mange diskusjonar
Så gjekk det slik yr.no melde, og for første gong vart det innever for oss. Arna stod klar med nytrekt kaffi, og det smaka godt til hennar og Jorunn sine lefser som vi la rikeleg med Arna sin svært velsmakande søst på. Praten tok nye høgder rundt borda. Mange viktige tema med spennvidde frå politikk til tyttebærtur til Skjåk å diskutere. Inni mellom vart lydnivået temmeleg høgt. Triveleg.
Utsikt.
Sjølv om regnbyene jaga oss inn i hytta, er det berre å sjå ut vinduet og nyte den storslagne utsikta. På andre sida av Storfjorden ligg grendene Ramstaddalen og Søvik. Lengre ute Røneset med TV-kjendisen vår, han Severin. Tru kva han driv på med i dag? Til høgre strekker Gausnestoppen seg litt over åskammen.

Flere saker fra Mental Helse Fjord

Atrieflimmer
8. sep 2023 Fjord

Kva er hjarteflimmer/atrieflimmer

Overlege Ole Johan Høyberg vil fortelje om hjarteflimmer/atrieflimmer og svare på spørsmål i møte tysdag 12. september kl. 18:00 på frivilligsentralen i Stordal.
Arne Ruset
19. aug 2023 Fjord

Å vere pårørande til ein med demens

På Mental Helse Fjord sitt medlemsmøte som er ope for alle interesserte fortalde pensjonert psykiater og forfattar Arne Ruset om demens. Han begynte med å lese litt frå siste boka si som handlar om å ha demens og korleis det påvirkar dei som er rundt den sjuke.
Tur
25. jul 2023 Fjord

Stig opp i turskoa dine - bli med!

I august og september vert dei fleste turane våre på torsdagar frå kl. 10:00 og utover. Nedanfor finn du planer om aktuelle turar.
2. jun 2023 Fjord

Å leve saman med ein demenssjuk

Forfattar og pensjonert psykiater Arne Ruset vil fortelje om kor utfordrande demenssjukdommen kan vere for pårørande. Møtet er tysdag 13. juni kl. 18:00 på frivilligsentralen i Stordal.