I innlegga vart det bl.a. teke fram kor viktig det frivillige arbeidet er, likeeins arbeidet med å finne gode måtar å motivere og rekruttere nye frivillige. Vi må finne nye måtar å verve på. Det trengst folk i alle aldersgrupper som kan arbeide t.d. eit par timar ein gong i månaden eller nokre timar i veka.

Elles var ein innom «prosjekt-sykja». Organisasjonane kan søke midlar til prosjekt. Tida går svært fort også om ein har eit tre-årig prosjekt; ein skal gjennomføre og får lite tid til å arbeide med fortsettelsen. Når prosjektperioden er over, står ein oftast utan midlar til vidare arbeid fordi det er oftast er uråd å få midlar til drift. Rapporteringa m.m. er svært tidkrevjande for laga og mange opplever papirarbeidet som vanskeleg og omfattande. Det går mykje tid med til å sette seg inn i regelverket og fylle ut skjema.

I den nye kommunen vil ein venteleg møte utfordringa når lag/organisasjonar med litt ulik kultur skal finne gode samarbeidsmåtar. Ved å verte kjende med kvarandre er vi eit godt stykke på veg. Representantar frå 10 -15 organisasjonar møtte på inspirasjonskvelden, og det var innlagt ein god pause med kveldsmat. Der fekk vi høve til å gjere oss kjende med andre lag sine representantar og diskutere. Vi seks frå vår Mental Helse Stordal opplevde kvelden som nyttig og ein god start på å byggje oss saman i den nye kommunen.

At ordføraren i Stordal og varaordføraren i Norddal møtte og hadde innlegg, understrekar at politikarane ser på frivillig arbeid som svært viktig for samfunnet.

Nedanfor finn du programmet for møtet som var.