Sykkelturen vert gjennomført ved samarbeid mellom Norges Frivilligsentral og dei lokale frivilligsentralane som eit signalarrangement i anledning frivilligheita sitt år 2022. Arrangementet starta på Nordkapp og skal innom alle fylka i landet før det endar på Arendalsveka i august. Frivilligheita med sine tilbod er svært viktig for samhald i lokalmiljøet. I Stordal stod frivilligsentralen for arrangementet. Organisasjonar og lag vart inviterte til å delta med arrangement eller vere heiagjeng. Sykkelturen starta på Øvrebust i elektriske passasjersyklar. Ved Joker (som er ein av hovudsponsorane) var det stans. Der fekk alle deltakarane ein matbit, is og noko å drikke til før turen gjekk vidare til sentrum der mange hadde samla seg på allmenningen.