Når eit år er omme, er det ofte kjekt å ta eit tilbakeblikk over det ein har opplevd. Artiklane på nettsida vår om det vi gjorde i 2021, kan også vere positive å ta med i denne “oppsummeringa”. Kanskje kan dei inspirere oss til nye og fleire aktivitetar i komande år. 9. november 2006 vart laget vårt stifta, og Mental Helse Stordal har såleis runda 15 år.

Takk til kvar og ein av dykk for innsatsen og samarbeidet i året som ebbar ut. Styret ser fram til vidare godt samarbeid og mange triveleg samvær i det nye året vi står på terskelen til.

Dei beste ønskje til alle medlemmene og samarbeidspartnarane om fine og gode juledagar!